Lughawe Londen-Stansted | |||
---|---|---|---|
IATA: STN – ICAO: EGSS | |||
Opsomming | |||
Tipe lughawe | Openbaar | ||
Eienaar | Manchester Airports Group | ||
Operateur | Stansted Airport Limited | ||
Bedien | Londen, Verenigde Koninkryk | ||
Ligging | Stansted Mountfitchet, Essex | ||
Hoogte bo seevlak | 348 vt / 106 m | ||
Koördinate | 51°53′06″N 0°14′06″O / 51.88500°N 0.23500°O | ||
Webtuiste | |||
Landkaart | |||
| |||
Aanloopbane | |||
Rigting | Lengte | Oppervlak | |
m | vt | ||
04/22 | 3 049 | 10 003 | Gegroefde teer |
Statistieke (2019) | |||
Passasiers | 28 124 292 | ||
Passasierverskil 18–19 | ![]() | ||
Lugbewegings | 199 925 | ||
Bewegingsverskil 18–19 | ![]() |
Lughawe Londen-Stansted (IATA: STN, ICAO: EGSS) is geleë in westelike Essex, 48 km noordoos van Londen se middestad. In 2013 was Stansted die 4de besigste lughawe (naas Heathrow, Gatwick en Manchester) in die Verenigde Koninkryk.
Londen-Stansted bedien meer as 160 bestemmings regoor Europa, Asië en Afrika. Stansted is 'n basis vir 'n aantal groot Europese laekostediensverskaffers, synde die grootste basis vir laekostelugredery Ryanair, met meer as 100 bestemmings wat deur die lugredery bedien word. In 2015 was dit die vierde besigste lughawe in die Verenigde Koninkryk na Heathrow, Gatwick en Manchester. Stansted se aanloopbaan word ook gebruik deur private maatskappye soos die Harrods Aviation-, Titan Airways- en XJet-terminale, wat private grondhanteerders is wat privaatvlugte, huurvlugte en staatsbesoeke kan hanteer.
Nadat dit in die laat 1940's omgeskakel is na siviele gebruik vanaf RAF Stansted Mountfitchet, word Stansted deur huurlugrederye gebruik. Dit het in 1966 onder beheer van die Britse Lughawensowerheid (British Airports Authority) gekom. Die geprivatiseerde BAA het Stansted in Februarie 2013 aan Manchester Airports Group verkoop as gevolg van 'n Maart 2009-beslissing deur die Mededingingskommissie teen BAA se monopolieposisie.[1][2]
© MMXXIII Rich X Search. We shall prevail. All rights reserved. Rich X Search